«Մարզաբնակ երիտասարդների քաղաքացիական ներգրավվածության խթանում՝ մեդիա և թվային տեխնոլոգիաների միջոցով» Մեկշաբաթյա դասընթացի հրավեր

«Մարզաբնակ երիտասարդների քաղաքացիական ներգրավվածության խթանում՝ մեդիա և թվային տեխնոլոգիաների միջոցով» Մեկշաբաթյա դասընթացի հրավեր

• Posted In :
• 0 : comment

Եթե 17-ից 30 տարեկան ակտիվ երիտասարդ ես, բնակվում ես Տավուշում, Գեղարքունիքում կամ Սյունիքում, ուզում ես սովորել՝

• ինչպես կարելի է սոցիալական մեդիան և թվային հարթակները օգտագործել որպես առցանց արշավների կազմակերպման և հանրային ակտվիզմի գործիք,
• արդյունավետ կերպով մասնակցել որոշումների կայացմանը՝ օգտագործելով էլեկտրոնային կառավարման բոլոր գործիքներն ու միասնական էլեկտրոնային հարթակները,
• զարգացնել գիտելիքներդ մեդիագրագիտության ոլորտում,
• ստեղծել սեփական փոդքաստները՝ լսելի դարձնելով քեզ հուզող հարցերը փոդքաստների միջոցով,
• հնարավորություն ստանալ գիտելիքներդ ներդնել քո մարզի զարգացման մեջ 2-ամսյա մենթորական աջակցությամբ, ապա շտապի ՛ր դիմել այս կրթական ծրագրին։

«Հայ առաջադեմ երիտասարդություն» ՀԿ-ը Եվրոպական երիտասարդական հիմնադրամի և ՀՀ կրթության, գիտության, մշակույթի և սպորտի նախարարության աջակցությամբ իրականացնում է «Մարզաբնակ երիտասարդների քաղաքացիական ներգրավվածության խթանում՝ մեդիա և թվային տեխնոլոգիաների միջոցով» ծրագիրը։

Ծրագրի նպատակն է խթանել Սյունիքում, Գեղարքունիքում և Տավուշում բնակվող 18-ից 30 տարեկան երիտասարդների, երիտասարդ առաջնորդների և երիտասարդական աշխատողների թվային մասնակցությունը՝ զարգացնելով նրանց գիտելիքներն ու կարողությունները առցանց ակտիվիզմի և ջատագովության, մեդիագրագիտության, փաստերի ստուգման, սոցիալական մեդիա արշավների կազմակերպման, փոդքասթինգի ոլորտներում՝ հնարավորություն տալով ստեղծել և իրականացնել հանրային արշավներ։

Ծրագրի ավարտին՝ 2022 թ․ հունիսին տեղի կունենա ծրագրի արդյուքների ներկայացման և ամփոփման ավարտական միջոցառումը, որի ընթացքում երիտասարդ մասնակիցները կկիսվեն իրենց՝ տեղեկատվական մեդիա արշավների և նախագծերի իրականացման փորձառությամբ, կստանան ավարտական վկայականներ և կքննարկեն միջմարզային համագործակցությանն ուղղված նոր մեդիա նախագծերի իրականացման հնարավորությունները։

Ծրագրի մասնակցության բոլոր ծախսերը հոգում է կազմակերպությունը՝ այդ թվում Երևանում կացության, 3-սննդի և ճանապարհափոխադրման ծախսը։

Ինչպե՞ս դիմել։

Ծրագրին մասնակցելու համար պետք է լրացնել հետևյալ դիմում-հայտը՝ https://forms.gle/bhmFDtHNBz2aZpZG6 ։
Դիմելու վերջնաժամկետը Մարտի 5-ն է։

Կազմակերպության մասին

«Հայ առաջադեմ երիտասարդություն»-ը Հայաստանում գործող ակտիվ երիտասարդական հասարակական կազմակերպություն է, որի նպատակն է խթանել երիտասարդների մասնակցությունը որոշումների կայացման գործընթացներում և աջակցել երիտասարդներին զարգացնելու իրենց առաջնորդական հմտությունները։

«Մարզաբնակ երիտասարդների քաղաքացիական ներգրավվածության խթանում՝ մեդիա և թվային տեխնոլոգիաների միջոցով» ծրագիրն իրականացվում է «Հայ առաջադեմ երիտասարդություն» ՀԿ կողմից՝ Եվրոպական երիտասարդական հիմնադրամի ֆինանսական աջակցությամբ։